jump to navigation

Poems (Nazmišt)

Jigareṣ̌  ẓ̌ʉn θit δiti yowen nast
Cə šʉmol’neṣ̌  ruṣ̌t craxi yowen nast

Maẓ̌ri bə bowar ti dard e θwak
Xejolat ẓ̌ʉ jon ti wingrem dar hasrat
Ceren go’m e wuz nastem da ti qismat
Jigareṣ̌  ẓ̌ʉn θit δiti yowen nast

…………………………………………………….
Yem boz e rang cə fisqove sod šar-en hal baland
Ya xʉš bəhor e gʉlven yi xafča maẓ̌er vand
Yi yašḳ e warawgi žrex̌k dem ẓ̌ʉ tapk e yand

Yi piywand e bu ṣ̌ʉmonak deẓ̌gi mar sepreγ̌
Ko kʉmde volem kʉmde lecern wʉzem nazerband
Yi yaṣ̌k e warawgi žrex̌k dem ẓ̌ʉ tapk e yand

…………………………………………………………………………..

Enjoy Wakhi songs, Poetry by Afzal Karim (shimshal)

Vocal: Noor Khan

http://alimusofer.multiply.com/

δoy e Stowiṣ̌iγ̌
Ce Fabeg Musofir en
Šʉker Tower yo Xʉδoy, paydo Towe maxluqev  x̌etk
Yupk et hawo, šet et raxinγ̌ kʉx̌tet dremer niyer ce x̌etk
Osmon hʉnʉyd yoy yem zimin, ẓ̌ʉmak, sitorišt yoy yem yir
Har yʉw dremer niṣ̌unev Tin, disʉveneṣ̌ yašt kʉtan Ti sir
δin hʉmʉyn yoy ya tapin, rə yupk hʉmʉyn yoy skem zimin
Xameṣ̌ yawen sarišt yaven ki Towe x̌etk yave jonin
Hadem kʉli maxluq mulung, farxet sak kert δetet xirad
Ne tag gʉtak sumγuten got ki dʉnyoven wocen blad
Bafiγ̌ šakiγ̌ yʉwerni drem, xirad yarker wʉzmni trem
Bafiγ̌vi kʉx̌t pʉrʉt yundak, cəbas kətak šakiγ̌vi trem
Hadem dʉnyo Mʉsofirem, šʉkreṣ̌ tor carem yo Xʉδoy
Xiradmandi maẓ̌er nisib, ṣ̌əxal mar wez wuzem gʉdoy
…………………………………………………………………………………………………………………………………………………
Waxt e Imom e Alam
Cə Sayf Din Sayf en
Kʉx̌teri wuδg ošikor waxt e imom e alam
Kuyi jəhon e Sardor, dišneṣ̌ Yow kʉli olam
Yiqʉr yod ki ceveṣ̌ x̌at Muhammadi bi awlod
Šʉkr care naγ̌d et ror, win x̌ʉ Xʉδoy e hastam
Jamipištev č̣̣em dʉro, wʉδg yave zʉboneṣ̌ x̌and
Wina yowe yigʉdor, naṣ̌t yem po zʉlm et sitam
Ye domengir me woc δir, digarišt yow e tašna
Me bixabar wocen xor, imoni naste mohkam
Dem jang et jadal e waxt, asl mʉjohidi kuy
Də sarke ẓ̌ʉ nomdor, Yow e militiq i qalam
Kʉ gnayi dʉyno piδing, yem ẓ̌ʉ xoki γal be tinj
Saif woce xoksor, yemi Karim e karam
………………………………………………………………………………………………………………………………………………………

Ambar e Pomir

Cə Olam Jon Deryo en
Sari kuyi bəland fəryod kertem
Ali Šer Xʉδo Tow yod kertem
SədoyI pursuz ẓ̌ʉn rex̌ki Badaxṣ̌on
La’li Badaxṣ̌on dər xoki windem
Hay bʉlbʉl reyhon et ambar e pomir
La’li Badaxšonet ambar e pomir
Fasli tobiston et ambar e pomir
Zemi zimiston et ambar e pomir
Agar ki δeɣ̌deṣ̌ wost qərib waxt kuyen
Mʉborakeṣ̌ caren spreɣ̌ ya ruyen
Qobil ya ti nan xʉšrʉyi yow yex̌k
Tuwet dʉṣ̌ta hacem piywand e boɣen
Saylem kert reɣ̌dim da xʉšwaxt e ɣ̌ar

Hay bʉlbʉl reyhon et ambar e pomir
La’li Badaxšonet ambar e pomir
Fasli tobiston et ambar e pomir
Zemi zimiston et ambar e pomir
Sepreɣ̌ ambarem wind da kuh e sar
Ti vuli qiymat mar dʉr et mərjon
Dərdyo x̌ʉ išqep cart e rəwun tar
Hay bʉlbʉl reyhon et ambar e pomir
La’li Badaxšonet ambar e pomir
Fasli tobiston et ambar e pomir
Zemi zimiston et ambar e pomir
………………………………………………………………………………………………………………………………………………………
Yi Meymoni ce wezg
Ce Abdulloh Bay en
Waxt e barang e guliston ki yi meymoni ce wezg
Čarind parindišt sarərdon ki yi meymoni ce wezg
Hazor bor kertem šʉkrat ki ya mehmoni ce wezg
Ihtiroman salomeš cart aqlim jehon yower
Yem so’ati mar ɣalimat wuz mizeboni yower
Pokiza pok tan u tanho adem jəhoni ce wezg
Solha sol wuz pirišon ẓ̌ʉ xona wiron tu
Sədoyi bʉlbʉli reyhon ajab yi nola tu
Ba čaṣ̌m e nam kertem sajda ki yi mehraboni ce wezg
Wuz niviṣ̌em guli gulhoyi aqidat yower
Yi dasta e gul banafša guli amber yower
Qismati vitk ma’r mehrebon ki yi mehmoni ce wezg
Noyoft ki tu hayem meymon jehon yi zindon tu
Xiyol e hijr en pirišon wuzem yi anjon tu
Zindoni vitk ma’r guliston ki yi mehmoni ce wezg
…………………………………………………………………….
Tut Kumer Yi Loy Ko Weze
Cə Nazir Ahmad Bʉlbʉl
Yem ti hijr e naγ̌̌d et rorišt, tu’t kumer, yi loy ko weze
Yem ti yod ti intizorišt, tut kumer yi loy ko weze
ẓ̌ʉ haten ki ne be wez tag, bor yem gʉlve arz kʉṣ̌ʉy
Ṣ̌enj’neš towe bəhorišt, tut’ kumer yi loy ko weze
Ʒaq yinʉk e čoqem kert et kumde deẓ̌d woz ya ti nung
Persn’eš   towe sitorišt, tut kumer yi loy ko weze
Yem ti yod e yireš pirvit skem pʉzʉv e yaz ki ce waxt
Xam’neš yaṣ̌k e ya qətoorišt, tu’t kumer yi loy ko weze
Dem x̌ʉ hijreš čir ko nʉwʉv, kurep wost yem ti Bʉlbʉl
Poč̣nep yaṣ̌ke ya zəworišt, tu’t kumer yi loy ko weze
…………………………………………………………………………
Ce Muhammad Panna Noori en
Durya khumutk shunawarish wuzie a a lol,
Zu lol Jan ka jiz rumutk a lol,Zughish rukht ta vundan a lol,
Tur yadus duit shirin tat Nan.
Tatut Nan khunak shirin uo tan,

Zu zughuk tra blandi,
Oz sutawun omid khashum.
SA Na omidish kom jaie,

Zart spergh guli haian.
Kukht khatur sufar taghdi.
Way abali ya diqan.

Vurshinuk brik winagh,
Tot shum khuslat nixitk,
Pas ruwar to bi dumagh,

shupinuk hasai,
koiki taqah sufar tagh di,
taqah khalgun bu khudai,

Munjuquk ki Pu pisan,
Kuli jiz buyaft vitui,
Way kam yaft shirin tat Nan,

Juan ghish rubab,
Ouz tarur dil sokhtah khanum,
Dil sokhtah jigar kubab,

Turtuk outurt outurt,
Zululat ki nuaumuit,
Shirin lol bu kui ruzurt,

Zart suprugh but a gurdan,
Shimani bu musari, a lol,
Zu jangukut ti Daman,
Jil induc bu jai,
Yum murdan bu muriumie,
Su zu shut SAR bu ha iat to jai,

Pot wurduk jaqu,
Muriak bu murtumie,
Wakhti marg zu tat Nan marur quw,

Ti tusbi e kudak Kan,
Ti nunkuk bu jiz toi e, a lol,
Yau nunkuk bu tatik jan,

Bukhmaluk bu Bokmal duz,
Dum diyar wuz nu alum,
Dum diyar nu gham kharut nu dil soz,

Ya tilo ye arah dasht,
Wuz yeshnuk asai gaxhum,
Wuz shu shukorgum lol pay gasht,

Yum zu maki rum ti yarge,
Su ti dardun wuz giz windum,
Sum ti dardun wuz suw sukarge,

Rughum khunduod darah,
Kho sarum uoge shurr shurah,
Ye sukur azar suvzah,
Baf jawanish khunduotun,
yezuk pujad ar khilah,

Yeruk ghuda mudur,
Bur ghurbat bum u alli e ,
Kudak Jan mashkhol mazi zur,

Ti yashuk ki tui seya,
Ti yashuk julaw dimum,

……………………………………………………………………………………………..
Bʉlbʉl’s Poetry
http://www.gojal.net/Bulbul_main.htm
http://wtcap.wordpress.com/nazirs-page/
Poetry from Badakhshon and Gojal
http://xiwoor.piczo.com/poetry?cr=3&vsrc=preview&linkvar=000044

Comments»

1. ali aman gojali AKDN Afghanistan - PM00000050000002331 7, 2008

Dear readers congartulation

This is a new devlopment wakhi sosity.

ali aman gojali
Ishkashim

2. Sultan Ahmed - PM00000060000004430 7, 2008

shirin vrut yemi ghafch lup yark. ti umar droz humut woz safz humuy

Sultan Ahmed
Islamabad

3. Sultan Ali Alvi - PM00000030000001131 7, 2008

congratuation i think our shirin zabon is going on development ways and i hope in the years ahead we will see brightness in every way of development. and i request to youth to give a time to learn wakhi alphabats .

4. Ajmal Ali - PM00000070000001331 7, 2008

Lale Badakhshan is Pir Nasir Khusrav and it should not be aboused!

5. KAKA - PM00000010000005731 7, 2008

I CAN’T UNDERSTAND WHAT HE WROTE

6. KAKA - PM00000010000004831 7, 2008

KINDLY SEND ME THE BOOK OF ALPHABATS BOTH

7. Sultan Alvi - PM00000010000003131 7, 2008

very nice now we can say proudly we are on the way of development.

8. Abdullah Bai - AM00000020000003728 7, 2008

Shirin vuruth salom. Ghafch Ghafch muborak.adem nafso nafsi a zamonsh ghafch kam khalgishth ku qoma bafigha dastan wakhth randan. khik qom ca shupunighan nakhing kha sak taraqi ya vadek wuzmuk a ghafch lup kooshishi yem. ghafch ghafch shobosh.
voz ghafch shukrath ki sashtash zhu shoiri a khush carith.

9. MAKSAD DONAYOROV - AM00000010000001931 7, 2008

l am proud that l am Pamirian.l want to thank those who worked on this web site.Our small motherland(Badahshan) has a great broaden history and it is our responsibility to safe it and to introduce it to every body.We have great people like Nasir Khusrav whose is the outor of the VAJHI DIN.
Doni ki kalomi Vajhi Din ayon ast
Sarmoyayi dinu madan imon ast
Gar tolibi marifat az on metalabi
Tahkik bidon ki magz az Kuron ast.
My name is Maksad Donayorov.l from Tajikistan.My mailing adress is m90x@mail.ru

10. Alam Jon dario - PM00000090000000631 7, 2008

gha khub zu jon, te jon salomat homeyd
shobosh ga shobosh
Alam jon dario

11. mon - PM00000010000003030 7, 2008

ghafch beef mubrak murdum xikfgher


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: